اليوم جايكم بقصيدة تقطع القلب
الشاعر عبدالله باتل الرشيدي
واليكم القصيدة
سر يا قلم مالي على الصبر طاقه .... صبرٍ تعدى الحد مـــا عــاد ينطــــاق
اكتب لمثلي قــصــتـه واشتياقــه .... في خطك الواضح على بيض الاوراق
قصة حزين صافي المر ذاقـــــه .... اليا ذكر ما صـار لـه خــاطــره ضـــاق
باقوبه الاصحاب والوقت بـاقــه .... وصــار الضـحـيـه بين بــايق وبــــواق
يمشي وهو ما حس في كسر ساقه .... امسى على ساقين واصبح على ســاق
هاذي سوات الوقت شين الطفاقه ..... الوقـــت لو يصفــالــك ايـــــــام زراق
ان شــان قطّع عنك العــــلاقــــه ..... وان زان خلا لك مع النــــاس عشـــاق
من شان فيه الوقت قلوا رفـــــاقه ..... راحــت حيـــاته كــلهـــا هـــم وادلاق
الله خلق له خلق تحب اللباقــــه .....كما خلق له خلق ما عنـــــدهـــــا اخلاق
احد ٍ يعيش بخير وأحدٍ بفـاقــــه .... واحدٍ يعوق ايــــام وايــــام ينعــــــــــاق
واحدٍ معه حكمه وصبر ورواقه..... سبـــحـــان مــنــهـــو للـمـخاليق خــلاق
لكن يا من معه صبر ووثـــاقه .....ابأنشدك كـــانك للامثـال تشتــــــــــــاق
من رغب في فرقاك فارغب فراقه.... جاز اللذي جازاك فراق بافراق
وتعلم التعشيق قبــل الســــواقــــه .... لا تحسن انك بالدرقسون سواق
ورزقك بيجيك بدون تحضر البطاقه....وعند الله الرزاق تقسيم الارزاق
يقوله اللي جــــــاير الوقت عــــاقـــه.....ولازال في غيبوبة الوقت ما فاق
من العزاقـه بــــــآدي بالـــعــزاقــــه....وللي يوده صار شوفه بلا شفــاق
ولا قال هذا القول قصدة طفاقه ....... ما قال هذا غير من نارالاشـــــواق
تحياتيـ . . .
موضوع: قصيده مؤثره للشاعر عبدالله باتل الرشيدي 
الثلاثاء مارس 25, 2008 1:32 am
